23 студзеня 2026 года ў рамках мерапрыемстваў, прымеркаваных да Дня беларускай навукі, адбыўся навуковы семінар, арганізаваны ў рэжыме афлайн і анлайн кафедрай еўразійскіх даследаванняў.

Дэкан факультэта міжнародных адносін А.А. Дастанка адзначыла значнасць навуковага асэнсавання працэсаў еўразійскай інтэграцыі і актуальнасць праблематыкі для адукацыйнай і даследчай дзейнасці факультэта.

Прывітанне ўдзельнікам семінара накіравалі І.У. Уласенка, віцэ-прэзідэнт Грамадскага навуковага руху (г.Масква), Р. М. Баранаў, дырэктар Цэнтра развіцця еўразійскіх камунікацый (г. Мінск).

З адкрытай лекцыяй на тэму "Перспектывы развіцця ЕАЭС: выклікі і прагнозы" выступіў Віктар Аляксандравіч Сапрыка – дырэктар Інстытута прыгранічнага супрацоўніцтва і інтэграцыі (г. Белгарад), доктар сацыялагічных навук, прафесар кафедры палітычнай сацыялогіі і сацыяльных тэхналогій ФДААУ ВА "Расійскі дзяржаўны гуманітарны ўніверсітэт" (г. Масква).

У ходзе семінара былі абмеркаваны сучасныя тэндэнцыі, магчымыя сцэнарыі і прагнозы развіцця Еўразійскага эканамічнага саюза, ключавыя ўнутраныя і знешнія выклікі еўразійскай інтэграцыі ва ўмовах трансфармацыі міжнародных эканамічных і палітычных працэсаў.

У працы семінара прынялі ўдзел прадстаўнікі прафесарска-выкладчыцкага складу факультэта, аспіранты, магістранты, члены Савета НДРСА, а таксама актыў студэнцкага навуковага таварыства. Навуковае мерапрыемства выклікала значную цікавасць аўдыторыі і стала важнай пляцоўкай для прафесійнага абмеркавання актуальных праблем і перспектыў еўразійскай інтэграцыі. 

{gallery}2026/2026_01_23{/gallery}