У рамках Тыдня беларускай навукі 20 студзеня 2026 г. на кафедры ўсходазнаўства адбыўся круглы стол "Беларускае ўсходазнаўства: традыцыі, сучаснасць, перспектывы".

На мерапрыемстве выкладчыкі і аспіранты кафедры абмеркавалі шырокае кола пытанняў, прысвечаных культурнай палітыцы Кітая ў новую эпоху, прынцыпам фарміравання культурнай ідэнтычнасці кітайскай моладзі, спосабам захавання і трансляцыі традыцыйнай культуры ва ўмовах развіцця лічбавых тэхналогій, праблемам інтэграцыі кітайскіх мусульман у традыцыйнае кітайскае грамадства на працягу розных гістарычных перыядаў, феномену масавай культуры ў краінах Усходу, спецыфіцы адлюстравання мадэлі свету старажытных кітайцаў у класічных тэкстах, асаблівасцям выказвання эмоцый у інтэрнэт-каментарах на кітайскай мове, уплыву дзэн-будызму на японскую культуру і інш.

Мерапрыемства прайшло ў канструктыўнай і ажыўленай дыскусіі, падкрэсліўшы высокі навуковы патэнцыял і актуальнасць даследаванняў, якія праводзяцца на кафедры.