У перыяд з 17 лістапада па 26 снежня 2025 года адбылася V алімпіяда па лагістыцы "Idea Log". Арганізатарам алімпіяды выступіў Інстытут бізнесу БДУ.

Праводзілася алімпіяда дыстанцыйна (анлайн) і ўключала ў сябе два этапы: тэсціраванне і выкананне творчага задання. На 1-м этапе ўдзельнікам алімпіяды было прапанавана адказаць на 50 тэставых пытанняў па розных аспектах развіцця лагістыкі, а на 2-м этапе – выканаць творчае заданне.

Партнёрам Інстытута бізнесу БДУ па правядзенні алімпіяды стала кампанія Unitsky String Technologies Inc., міжнародная інжынірынгавая кампанія, якая займаецца праектаваннем, будаўніцтвам і сертыфікацыяй высокаэфектыўных транспартных сістэм эстакаднага тыпу. Unitsky String Technologies Inc. прапанавала ўдзельнікам алімпіяды творчае заданне (кейс-праект), звязанае з прымяненнем рэйка-струннага транспарту.

У спаборніцтве прынялі ўдзел 24 каманды, у тым ліку 21 каманда з Рэспублікі Беларусь, 2 каманды з Расійскай Федэрацыі і адна каманда з Узбекістана. У склад кожнай каманды ўваходзіла да чатырох удзельнікаў.

Ад факультэта міжнародных адносін прынялі ўдзел 5 каманд у складзе студэнтаў першага і другога курса спецыяльнасці "Міжнародная лагістыка" пад кіраўніцтвам старшага выкладчыка Елавой А.М.

Віншуем каманду нашага факультэта «Вектар поспеху», у склад якой увайшлі Шурко Дамініка Вадзімаўна, Хечыкашвілі Элвея Эста, Гапеева Маргарыта Аляксандраўна, Баравікова Марыя Кірылаўна з перамогай (I месца) і жадаем далейшых поспехаў у студэнцкай навуцы!