Заяўкі – да 15 мая 2026 г.

З 09 лютага 2026 г. па 01 чэрвеня 2026 г. на факультэце міжнародных адносін Беларускага дзяржаўнага ўніверсітэта праводзіцца конкурс эсэ для студэнтаў, магістрантаў і аспірантаў «Маладыя галасы Еўразіі. Еўразійскі эканамічны шлях». Арганізатарам мерапрыемства выступае кафедра еўразійскіх даследаванняў Беларускага дзяржаўнага ўніверсітэта сумесна з АНА "Інстытут прыгранічнага супрацоўніцтва і інтэграцыі" (г. Белгарад, Расійская Федэрацыя), ГА "Інстытут рэгіянальных даследаванняў і супрацоўніцтва" (Рэспубліка Арменія).

Конкурс накіраваны на набліжэнне навуковых даследаванняў моладзі да актуальнай еўразійскай тэматыкі, пашырэнне прафесійнага кругагляду і стварэнне творчага ўзаемадзеяння паміж навучальнымі ўстановамі дзяржаў-членаў Еўразійскага эканамічнага саюза.

Для ўдзелу канкурсантам неабходна падрыхтаваць даследчую работу ў фармаце эсэ ў адпаведнасці з тэматыкай адной з трох секцый:

• Секцыя 1. Трэнды эканамічнага развіцця дзяржаў-членаў ЕАЭС ва ўмовах адзінай мытнай тэрыторыі і фарміравання еўразійскіх галіновых рынкаў.
• Секцыя 2. Лічбавізацыя і інфармацыйная бяспека ў еўразійскім рэгіёне.
• Секцыя 3. Развіццё еўразійскага права скрозь прызму практыкі Суда ЕАЭС.

Канкурсантам прапануецца падзяліцца сваімі разважаннямі на адну з абазначаных тэм і прадставіць варыянты развіцця ЕАЭС у бліжэйшай перспектыве.

Парадак удзелу:

• У тэрмін да 15 мая ўключна неабходна накіраваць конкурсную работу на электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з паметкай "Конкурс эсэ_ПІБ".
• 16 мая - 01 чэрвеня 2026 года – экспертыза работ і пасяджэнне Экспертнай рады.
• 01 чэрвеня 2026 года – падвядзенне вынікаў Конкурсу (публікацыя вынікаў на старонцы кафедры еўразійскіх даследаванняў у раздзеле "навуковая работа").

Патрабаванні да афармлення і шаблон заяўкі ТУТ.

Усе ўдзельнікі атрымаюць сертыфікат удзельніка. Пераможцы конкурсу будуць узнагароджаны дыпломамі і атрымаюць магчымасць апублікаваць конкурсную работу ў зборніку матэрыялаў Моладзевага круглага стала кафедры еўразійскіх даследаванняў (люты 2027 г.).

Па ўсіх пытаннях, калі ласка, звяртайцеся па тэлефоне: +375 29 212 96 11.