Старшы выкладчык кафедры ўсходазнаўства ФМА Ксенія Ігараўна Лешчанка і спецыяліст па вядзенні праектаў Цэнтра міжнародных даследаванняў ФМА Аліна Андрэеўна Засім прынялі ўдзел у Моладзевым студэнцкім форуме краін Шанхайскай арганізацыі супрацоўніцтва, які праходзіў у г. Ніжні Ноўгарад (Расійская Федэрацыя) 14-15 лістапада 2025 г.
Арганізатарамі міжнароднага форуму выступілі Вышэйшая школа міжнародных адносін і сусветнай палітыкі Ніжагародскага дзяржаўнага лінгвістычнага ўніверсітэта ім. Н.А. Дабралюбава і філіял Моладзевай платформы для краін ШАС SCOLAR Network у г. Ніжні Ноўгарад пры падтрымцы Міністэрства навукі і вышэйшай адукацыі Расійскай Федэрацыі, Дэпартамента сацыяльных камунікацый і моладзевай палітыкі адміністрацыі г. Ніжні Ноўгарад і Моладзевай палаты пры гарадской Думе г. Ніжні Ноўгарад.
Мерапрыемствы форуму праходзілі на пляцоўцы Карпаратыўнага ўніверсітэта Урада Ніжагародскай вобласці. На пленарным пасяджэнні 14 лістапада 2025 г. К.І. Лешчанка прадставіла даклад "Дыялог моладзі пад знакам "шанхайскага духу": праекты філіяла SCOLAR у г. Мінску". У рамках пленарнай сесіі таксама выступалі намеснік старшыні Урада Ніжагародскай вобласці Д.С. Старасцін, старшыня Савета маладых дыпламатаў МЗС Расійскай Федэрацыі Е.М. Акапян, старшыня Моладзевай платформы для краін ШАС SCOLAR Network Вікторыя Ху, дырэктар Цэнтра народнай дыпламатыі ШАС ва Узбекістане К.К. Сабіраў і інш. Мадэратарам выступіла С.А. Колабава, дэкан ВШМАіМП НДЛУ ім. Н.А. Дабралюбава.
Секцыйныя пасяджэнні праходзілі 14 і 15 лістапада. К.І. Лешчанка і А.А. Засім прынялі ўдзел у секцыі №2 «Інфармацыйная бяспека і праблемы захавання традыцыйных каштоўнасцяў краін ШАС». Праца секцый прадугледжвала як выступленні экспертаў, так і камандную падрыхтоўку праектаў у сферы інфармацыйнай бяспекі. Прадстаўнікі ФМА ад імя сваёй каманды абаранялі праект, накіраваны на развіццё навыкаў распазнання фэйкавых навін, якія мімікіруюць пад інфармацыю афіцыйных крыніц. Па выніках секцыйных пасяджэнняў К.І. Лешчанка ўвайшла ў лік удзельнікаў, якія атрымалі ўзнагароду "Лепшы спікер".
Усяго ў форуме прынялі ўдзел больш за 120 маладых лідараў з 12 краін.
{gallery}2025/2025_11_15{/gallery}