У рамках праграмы дыпламатычных чытанняў быў праведзены конкурс прэзентацый на англійскай мове сярод студэнтаў 4 курса спецыяльнасці "Мытная справа". Арганізатарамі мерапрыемства выступілі дац. А.Ф. Дрозд, дац. А.У. Трухан, ст. выкладчык Л.С. Ахраменка.
Мэтай мерапрыемства стала павышэнне дасведчанасці студэнтаў у галіне мытна-лагістычнай дзейнасці і ўменне вырашаць прафесійныя задачы на англійскай мове.
У рамках абмеркаванняў былі разгледжаны актуальныя праблемы ў сферы мытнай справы і міжнароднай лагістыкі, у якіх актыўны ўдзел прынялі запрошаныя выкладчыкі кафедры мытнай справы і міжнароднай лагістыкі – старшы выкладчык Н.М. Капусціна і старшы выкладчык А.А. Хадакова. Неабходна падкрэсліць, што мерапрыемствы такога фармату садзейнічаюць пашырэнню ведаў студэнтаў у прафесійнай галіне з выкарыстаннем англійскай мовы, а таксама ўмацаванню супрацоўніцтва паміж выпускаючай кафедрай і кафедрай англійскай мовы міжнароднай прафесійнай дзейнасці.
Прадстаўленыя даклады выклікалі ажыўленую дыскусію сярод удзельнікаў. Найбольшую цікавасць выклікалі наступныя прэзентацыі: "Logistics Management", "Customs Logistics: Functions, Tasks, Tools", "The Transformative Impact of Artificial Intelligence on logistics and Customs Management".
Хацелася б падкрэсліць, што правядзенне гэтых мерапрыемстваў сведчыць не толькі аб высокім узроўні валодання мовай спецыяльнасці, але і аб добрай прафесійнай падрыхтоўцы студэнтаў у вырашэнні актуальных пытанняў прафесійнай тэматыкі.
Л. С. Ахраменка, старшы выкладчык кафедры англійскай мовы міжнароднай прафесійнай дзейнасці
 |
 |