27 кастрычніка 2025 г. студэнты 1 курса спецыяльнасці «Міжнародныя адносіны» і 2 курса спецыяльнасці «Сусветная эканоміка», якія вывучаюць італьянскую мову, пад кіраўніцтвам старшага выкладчыка кафедры рамана-германскіх моў міжнароднай прафесійнай дзейнасці Вольгі Уладзіміраўны Далідовіч наведалі канцэрт швейцарскай, італьянскай і беларускай беларускай музыкі, арганізаванай Беларускім таварыствам сяброўства і культурнай сувязі з замежнымі краінамі.
Вечарына сабрала мноства ўдзельнікаў, сярод якіх актывісты таварыства "Беларусь – Італія" і "Беларусь – Швейцарыя", музыканты і выканаўцы, студэнты ВНУ і каледжаў. Падчас мерапрыемстваў прагучалі вядомыя творы італьянскіх, швейцарскіх і беларускіх аўтараў. Віртуознае выкананне таленавітых музыкантаў са Швейцарыі і Беларусі нікога не пакінула абыякавым. Чароўныя гукі флейты стваралі адмысловую атмасферу. Прысутныя ў чарговы раз змаглі пераканацца, што чароўная мова музыкі ўніверсальная, здольная аб'ядноўваць людзей і дапамагае лепш зразумець культуру іншых краін. Мерапрыемства, як звычайна, прайшло ў цёплай, сяброўскай атмасферы.
Падобныя сустрэчы з'яўляюцца добрай магчымасцю для студэнтаў паглыбіць свае веды аб сусветным музычным мастацтве і пашырыць кругагляд.
