Слухачамі курсаў павышэння кваліфікацыі "Пратакол і этыкет міжнародных зносін" з 9 чэрвеня па 13 чэрвеня 2025 г. сталі 10 супрацоўнікаў розных арганізацый і ведамстваў: Нацыянальны цэнтр заканадаўства і прававой інфармацыі Рэспублікі Беларусь, Сакратарыят Савета Рэспублікі Нацыянальнага сходу Рэспублікі Беларусь, Дэпартамент па гуманітарнай дзейнасці Упраўлення справамі Прэзідэнта Рэспублікі Беларусь, Цэнтральны апарат Дзяржаўнага камітэта судовых экспертыз Рэспублікі Беларусь, Беларускі дзяржаўны ўніверсітэт культуры і мастацтваў, ААТ "Парытэтбанк".
Слухачы атрымалі магчымасць азнаёміцца з правіламі дзелавой камунікацыі і нормамі міжнародных зносін. Навучанне па дадзенай тэматыцы садзейнічае падрыхтоўцы да міжнароднай дзейнасці і паглыбленню ўжо наяўных у спецыялістаў ведаў.
У ходзе навучання слухачы вывучылі стандарты зносін у дзелавой сферы, правілы арганізацыі і правядзення перагавораў, нацыянальныя асаблівасці дзелавога этыкету, пытанні лічбавага этыкету і іншыя тэмы.
У завяршэнні навучання слухачы выказалі падзяку і пакінулі станоўчыя водгукі аб праграме, адзначылі яе практычную накіраванасць.
13 чэрвеня адбылося ўручэнне пасведчанняў аб павышэнні кваліфікацыі.
Жадаем нашым слухачам поспехаў у працы і наладжванні новых міжнародных сувязяў!
Дзякуй за працу выкладчыкам і распрацоўшчыкам праграмы – дацэнтам кафедры міжнародных адносін ФМА БДУ Анастасіі Міксюк і Людміле Слуцкай.
