15 мая ў Доме дружбы сумесна з Пасольствам Ісламскай Рэспублікі Іран у Беларусі адбылося мерапрыемства з нагоды Дня персідскай мовы і памяці паэта Фірдаўсі. У гэтым вечары прынялі ўдзел паслы, дыпламаты, выкладчыкі і студэнты, якія вывучаюць фарсі на спецыяльнасцях "Усходазнаўства", "Міжнародная лагістыка", "Міжнародныя адносіны" і "Міжнародная канфлікталогія" на факультэце міжнародных адносін Беларускага дзяржаўнага ўніверсітэта, а таксама аматары персідскай культуры.
На вечары памяці былі заслуханы выступленні з прамовай паслоў Ірана і Таджыкістана. Студэнты 3 курса спецыяльнасці "Лінгвакраіназнаўства" факультэта міжнародных адносін БДУ падрыхтавалі выступленне: зачыталі вершы на фарсі і на рускай мове. У цырымоніі таксама прынялі ўдзел намеснік старшыні Саюза пісьменнікаў г. Мінска і прафесар гісторыі гістарычнага факультэта БДУ. Напрыканцы вечара гасцям, якія прымалі ўдзел у цырымоніі, былі ўручаны памятныя падарункі.
{gallery}2025/2025_05_15{/gallery}