У сакавіку і красавіку 2025 года студэнты ФМА, якія вывучаюць шведскую мову, прынялі ўдзел адразу ў дзвюх алімпіядах.
4 сакавіка на базе Мінскага дзяржаўнага лінгвістычнага ўніверсітэта прайшла міжвузаўская алімпіяда па шведскай мове сярод студэнтаў МДЛУ і БДУ (узровень В1). Алімпіяда была арганізавана старшым выкладчыкам перакладчыцкага факультэта МДЛУ Бабровай Ганнай Валер'еўнай і старшым выкладчыкам ФМА БДУ Сакавец Марыяй Сяргееўнай. Алімпіяда ўключала 3 заданні: тэст па аўдзіраванні, лексіка-граматычны тэст і вуснае выказванне па цытаце. Першае месца падзялілі студэнтка 3 курса ФМА і студэнт перакладчыцкага факультэта МДЛУ . Студэнтка 3 курса ФМА заняла 3 месца.
З 3 сакавіка па 11 красавіка студэнты ФМА таксама прынялі ўдзел у II Міжнароднай алімпіядзе па шведскай мове "Svenska steg för steg" ("Шведская мова крок за крокам"), якая праходзіла ў дыстанцыйным фармаце на базе Паўночнага (Арктычнага) федэральнага ўніверсітэта імя М.В. Ламаносава. Алімпіяда праводзілася на двух узроўнях (A2/B1 і B2) у 3 этапы:
- анлайн-тэставанне;
- напісанне эсэ па прапанаванай тэме;
- сумоўе на шведскай мове.
Усяго ў алімпіядзе прынялі ўдзел 85 студэнтаў з 10 ВНУ Расійскай Федэрацыі і Рэспублікі Беларусь, дзе вядзецца выкладанне шведскай мовы. Лепшы вынік сярод удзельнікаў ад ФМА паказала студэнтка 3 курса спецыяльнасці "Міжнароднае права", якая паспяхова справілася з трыма этапамі ўзроўню A2/B1 і заняла 2 месца.
Жадаем усім удзельнікам далейшых поспехаў у вывучэнні шведскай мовы!
{gallery}2025/2025_04_30{/gallery}