У рамках Тыдня студэнцкай навукі секцыя партугальскай мовы кафедры рамана-германскіх моў міжнароднай прафесійнай дзейнасці правяла цыкл мерапрыемстваў. Так, 14.04.2025 у групе 3 курса спецыяльнасці «Сусветная эканоміка» (кіраўнік – старшы выкладчык Сіняўская Ю.І.) прайшла прэзентацыя праектаў на партугальскай мове на тэму «Мой край у гады Вялікай Айчыннай вайны» (парт.яз. Minha região durante a Grande Guerra Patriótica). Асноўнай мэтай занятку стала азнаямленне студэнтаў з падзеямі ваенных гадоў на тэрыторыі свайго горада і раёна ў гады Вялікай Айчыннай вайны.
Таксама 15.04.2025 у групе 3 курса спецыяльнасці «Міжнародныя адносіны» (кіраўнік – старшы выкладчык Шарупіч Т.С.) адбыліся дэбаты на тэму «Redes sociais: benefícios e malefícios». Для абмеркавання ў дэбатах было вынесена пяць сцвярджэнняў. У прыватнасці, аб тым, што сацыяльныя сеткі дапамагаюць студэнту ў вучобе і садзейнічаюць развіццю камунікацыйных кампетэнцый. А 16.04.2025 у групе 2 курса спецыяльнасці «Міжнароднае права» (кіраўнік – старшы выкладчык кафедры Сіняўская Ю.І.) прайшоў круглы стол на тэму «Памятныя даты Вялікай Айчыннай вайны. 80 гадоў Перамогі» (парт.яз. Datas comemorativas da Grande Guerra Patriótica. 80 anos da Vitória). Студэнты разгледзелі ключавыя моманты Вялікай Айчыннай вайны, раскрылі значэнні Вялікай Айчыннай вайны 1941–1945 гадоў у фармаванні гістарычнай памяці народа і маральных асноў грамадства, грамадзянска-патрыятычным выхаванні сучаснай моладзі. Круглы стол праходзіў на партугальскай мове.
{gallery}2025/2025_04_16_04{/gallery}