16 красавіка 2025 года ў рамках навуковых мерапрыемстваў, прысвечаных тыдню кафедры мытнай справы і міжнароднай лагістыкі ФМА БДУ, прайшло адкрытае пасяджэнне студэнцкага навуковага гуртка кафедры мытнай справы і міжнароднай лагістыкі "Міжнароднае мытнае супрацоўніцтва" (далей - СНК). Тэма адкрытага пасяджэння СНК – "Рэгіянальныя аддзяленні Сусветнай мытнай арганізацыі".
З уступным словам выступіў загадчык кафедры мытнай справы і міжнароднай лагістыкі ФМА БДУ, доктар гістарычных навук, прафесар В.А. Астрога. Ён расказаў аб узаемадзеянні кафедры мытнай справы і міжнароднай лагістыкі з Сусветнай мытнай арганізацыяй, International Network of Customs Universities (Міжнародная сетка мытных універсітэтаў), якая сёлета адзначыла юбілей – 20 гадоў, а таксама аб важным значэнні гэтай тэмы для студэнтаў-мытнікаў.
На мерапрыемстве таксама выступіў навуковы кіраўнік СНК старшы выкладчык кафедры мытнай справы і міжнароднай лагістыкі ФМА БДУ, магістр юрыдычных навук А.У. Грабеннікаў. Ён расказаў аб задачах рэгіянальных аддзяленняў Сусветнай мытнай арганізацыі.
На адкрытым пасяджэнні СНК з навуковымі дакладамі выступілі студэнты 1 курса спецыяльнасці "Мытная справа".
У завяршэнні была праведзена займальная віктарына на веданне міжнароднага мытнага права.
А.В. Грабеннікаў, старшы выкладчык кафедры мытнай справы і міжнароднай лагістыкі ФМА БДУ
 |
 |