У рамках Тыдня студэнцкай навукі студэнты 1 курса спецыяльнасці "Сусветная эканоміка" і 2 курса спецыяльнасці "Мытная справа" пад кіраўніцтвам старшага выкладчыка кафедры рамана-германскіх моў міжнароднай прафесійнай дзейнасці Мальцава В. В. 18 красавіка наведалі Музей Нацыянальнай акадэміі навук, які з'яўляецца мемарыяльным комплексам гісторыі вышэйшай навуковай арганізацыі Рэспублікі Беларусь і адначасова культурна-асветніцкай установай.
Музей заснаваны ў 1989 г. да 60-годдзя Акадэміі навук. Плошча экспазіцыі складае 250 кв.м. У фондах Музея налічваецца каля 13 000 экспанатаў, з якіх больш за 3500 прадстаўлена ў пастаянна дзейнай экспазіцыі. У ходзе экскурсіі студэнты азнаёміліся з асноўнымі этапамі станаўлення і развіцця акадэмічнай навукі ў Беларусі, гісторыяй фарміравання сучаснай арганізацыйнай структуры Акадэміі навук, дасягненнямі і вынікамі навуковай і навукова-тэхнічнай дзейнасці вучоных і арганізацый, этапамі станаўлення акадэмічных навуковых школ у галіне прыродазнаўчых, тэхнічных, медыцынскіх, гуманітарных, сацыяльных навук.
У Музеі прадстаўлены таксама матэрыялы па гісторыі навукі ў Беларусі з моманту зараджэння навуковых уяўленняў да пачатку ХХ ст. Асобны раздзел экспазіцыі прысвечаны Інстытуту беларускай культуры, на базе якога ў 1928 г. была створана Акадэмія навук. Некалькі раздзелаў экспазіцыі прысвечаны пытанням дзяржаўнага кіравання навукай і міжнародным навукова-тэхнічным сувязям.
Удзельнікі экскурсіі азнаёміліся з рэдкімі экзэмплярамі навуковай літаратуры (часопісамі, кнігамі, у т. л. першымі акадэмічнымі выданнямі), навуковай перапіскай, аўтабіяграфічнымі матэрыяламі вядомых беларускіх вучоных, унікальнымі фатаграфіямі, навуковымі працамі вучоных Акадэміі навук, дзяржаўнымі ўзнагароднікамі (ордэнамі, ганаровымі граматамі), макетамі ўнікальных прыбораў, узорамі новых матэрыялаў і іншай навукова-тэхнічнай прадукцыяй, распрацаванай і створанай акадэмічнымі вучонымі і спецыялістамі.
Экспанаты, прысвечаныя падзеям Вялікай Айчыннай вайны, расказваюць аб удзеле супрацоўнікаў Акадэміі навук у патрыятычным падполлі і партызанскім руху і дзейнасці па павышэнні абароназдольнасці краіны. Музеем сабраны фота- і біяграфічныя матэрыялы аб выдатных беларускіх вучоных – стваральніках новых навуковых напрамкаў, аўтарах навуковых адкрыццяў, лаўрэатах Ленінскіх прэмій, Дзяржаўных прэмій СССР, Дзяржаўных прэмій БССР, Дзяржаўных прэмій Рэспублікі Беларусь за навуковыя дасягненні, Героях Сацыялістычнай Працы, Героях Беларусі.
{gallery}2025/2025_04_18{/gallery}