З 13 па 15 красавіка на базе факультэта міжнародных адносін Беларускага дзяржаўнага ўніверсітэта прайшоў Форум маладых дыпламатаў Саюзнай дзяржавы, прымеркаваны да 80-годдзя Перамогі ў Вялікай Айчыннай вайне і 25-годдзя Саюзнай дзяржавы. Удзельнікамі Форума сталі 50 маладых дыпламатаў БДУ і МДІМА МЗС Расіі.
Першы дзень Форума пачаўся з урачыстай цырымоніі ўскладання кветак да мемарыяла "Памяць у імя жывых" з удзелам групы ганаровай варты факультэта міжнародных адносін БДУ. Удзельнікі аддалі даніну памяці студэнтам і супрацоўнікам БДУ, якія загінулі ў гады Вялікай Айчыннай вайны.
Ва ўрачыстай цырымоніі адкрыцця Форуму прынялі ўдзел дэкан факультэта міжнародных адносін БДУ Алена Дастанка, начальнік Галоўнага інфармацыйна-аналітычнага ўпраўлення Міністэрства замежных спраў Рэспублікі Беларусь Вячаслаў Качанаў, трэці сакратар Пасольства Расійскай Федэрацыі ў Рэспубліцы Беларусь Данііл Харытонаў і загадчык кафедры гісторыі і палітыкі краін Еўропы і Амерыкі, вядучы навуковы супрацоўнік Інстытута міжнародных даследаванняў МДІМА, кіраўнік праграмы «Адносіны з Захадам у свеце, які змяняецца», кандыдат гістарычных навук Уладзіслаў Варатнікоў. Спікеры адзначылі, што правядзенне Форума адкрывае новыя гарызонты для моладзі, садзейнічае ўмацаванню сувязей паміж дзвюма краінамі і стварае аснову для будучага дынамічнага супрацоўніцтва, у тым ліку і ў адукацыйнай і навуковай сферах.
У рамках форума прайшоў шэраг дыскусійных пляцовак, прысвечаных актуальным праблемам глабальнай бяспекі, эканамічнай інтэграцыі і культурнага абмену. Асаблівая ўвага была ўдзелена ролі моладзі ў фарміраванні будучай Саюзнай дзяржавы і ўмацаванні яе пазіцый на міжнароднай арэне.
Ключавым мерапрыемствам першага дня Форума стала наведванне Выканаўчага камітэта СНД, дзе для ўдзельнікаў прайшоў майстар-клас з удзелам Андрэя Юр'евіча Громава і Ігара Васільевіча Назарука, Пастаянных прадстаўнікоў Расійскай Федэрацыі і Рэспублікі Беларусь адпаведна пры статутных і іншых органах СНД. Таксама перад удзельнікамі выступілі Сяргей Маркедонаў, вядучы навуковы супрацоўнік Інстытута міжнародных даследаванняў МДІМА, кіраўнік праграмы «Новая палітычная роля постсавецкіх дзяржаў» ІМІ, дацэнт кафедры міжнародных адносін і знешняй палітыкі Расіі, галоўны рэдактар часопіса «Міжнародная аналітыка», кандыдат гістарычных навук, і Андрэй Русаковіч, прафесар кафедры еўразійскіх даследаванняў БДУ, доктар гістарычных навук, прафесар.
Другі дзень Форума пачаўся з пасадкі дрэў у Парку Перамогі. Удзельнікі пасадзілі тры яблыні на знак таго, што кожны трэці беларус загінуў у гады Вялікай Айчыннай вайны. Мерапрыемствы працягнуліся ў Музеі гісторыі Вялікай Айчыннай вайны, дзе ўдзельнікі змаглі азнаёміцца з найбуйнейшай у краіне калекцыяй ваенных рэліквій.
У завяршэнне Форума ўдзельнікі прадставілі праекты па трох трэках, якія адпавядаюць асноўным напрамкам супрацоўніцтва ў рамках Саюзнай дзяржавы:
- Расія і Беларусь: агульная гісторыя і агульны лёс;
- Эканамічная інтэграцыя Саюзнай дзяржавы: пункты росту;
- Гуманітарнае супрацоўніцтва Саюзнай дзяржавы: магчымасці і перспектывы.
Усе ўдзельнікі Форума былі ўзнагароджаны сертыфікатамі і выступілі з ініцыятывай правядзення Форума на сталай аснове.
{gallery}2025/2025_04_15{/gallery}