2 красавіка 2025 г. на факультэце міжнародных адносін праведзены навучальны семінар "Супрацоўніцтва з КНР: стратэгія поспеху" (распрацоўшчык праграмы –- кафедра міжнародных адносін). Слухачамі семінара сталі 10 супрацоўнікаў розных дзяржаўных арганізацый: Сакратарыят Савета Рэспублікі Нацыянальнага сходу Рэспублікі Беларусь, БДУІР, Полацкі дзяржаўны ўніверсітэт імя Ефрасінні Полацкай, ТАА "Спортпартнёр", Гомельскі дзяржаўны тэхнічны ўніверсітэт імя П.А.Сухога, Дзяржаўны камітэт судовых экспертыз Рэспублікі Беларусь, студэнты ФМА.
Слухачы атрымалі магчымасць азнаёміцца з асноўнымі вектарамі знешняй палітыкі і сферамі супрацоўніцтва КНР з Рэспублікай Беларусь, напрамкамі лічбавай дыпламатыі ў супрацоўніцтве з Кітаем, а таксама культурай і традыцыямі КНР, асаблівасцямі дзелавой камунікацыі і нацыянальнымі асаблівасцямі. Навучанне па дадзенай тэматыцы садзейнічае выпрацоўцы ў слухачоў цэласнага разумення асаблівасцей міжкультурнай камунікацыі, арганізацыі і правядзення дзелавых мерапрыемстваў з удзелам прадстаўнікоў Кітая.
Фармат правядзення заняткаў уключаў лекцыі і практычныя заняткі.
Напрыканцы навучання слухачы выказалі падзяку і пакінулі станоўчыя водгукі аб праграме, адзначылі яе практычную накіраванасць і выказалі пажаданне прадоўжыць навучанне ў такім фармаце па іншых краінах.
Жадаем нашым слухачам поспехаў у працы і наладжванні новых міжнародных сувязяў!
Дзякуем за працу выкладчыкам і распрацоўшчыкам праграмы – дацэнтам кафедры міжнародных адносін ФМА БДУ Анастасіі Міксюк і Івану Чувілаву.
