Школьныя канікулы... Здаецца, усе з нецярплівасцю чакаюць, калі яны пачнуцца і што цікавага прынясуць. А калі гэта яшчэ і вясновыя канікулы!? Вясна, абуджэнне прыроды, доўгачаканыя цёплыя дзянькі. Вось толькі старшакласнікам не да адпачынку, наперадзе яшчэ іспыты… Але сёлета, ужо па традыцыі, у іх была выдатная магчымасць трохі расслабіцца і праверыць свае веды ў форме гульні, прыняўшы ўдзел у анлайн віктарыне на англійскай мове «Дыялог культур: мова і традыцыі розных народаў", якую 28 сакавіка 2025 года правяла кафедра англійскай мовы міжнароднай прафесійнай дзейнасці факультэта міжнародных адносін на Адукацыйным партале БДУ.
Мэта дадзенага мерапрыемства заключаецца ў развіцці лінгвістычнай, адукацыйнай і сацыякультурнай кампетэнцый вучняў сярэдніх школ і гімназій усіх напрамкаў падрыхтоўкі, прыцягненне абітурыентаў да авалодання больш глыбокімі і трывалымі ведамі па лінгвакраіназнаўстве, павышэнне матывацыі вучняў да вывучэння замежных моў, гісторыі і культуры розных краін свету.
У віктарыне прынялі ўдзел 167 навучэнцаў сярэдніх школ і гімназій Рэспублікі Беларусь. Згодна з Палажэннем меркавалася выбраць 5 пераможцаў, але ўдзельнікі паказалі такія высокія вынікі, што журы ў складзе старэйшых выкладчыкаў кафедры АЯМПД ФМА БДУ Зудовай Святланы Аляксандраўны, Кастачкінай Вольгі Уладзіміраўны, Ладзік Наталлі Анатольеўны прыняло рашэнне ўзнагародзіць дыпломамі 10 пераможцаў (у адпаведнасці з набранымі баламі).
Удзельнікі пакінулі толькі станоўчыя водгукі аб віктарыне, адзначыўшы, што даведаліся шмат новага, адказваючы на пытанні.
Журы дзякуе ўдзельнікам за ўнесеныя прапановы па паляпшэнні віктарыны. Што цікава, праходжанне віктарыны ў самага хуткага ўдзельніка заняло ўсяго 5 хвілін, затое самы дакладны варыянт запатрабаваў 26 хвілін для ўдумлівага адказу на ўсе 45 пытанняў (на віктарыну адводзілася 30 хвілін).
Арганізатары анлайн-віктарыны віншуюць пераможцаў і выказваюць вялікую падзяку ўсім удзельнікам!
Жадаем далейшых поспехаў! Да новых сустрэч!