Кафедра ўсходазнаўства ФМА сумесна з філіялам Моладзевай платформы для краін ШАС SCOLAR Network у г. Мінску правялі творчую вечарыну ў гонар Сусветнага дня паэзіі, якая адбылася на ФМА 21 сакавіка 2025 г. Штогод з 1999 г. па рашэнню ЮНЕСКА 21 сакавіка адзначаецца Сусветны дзень паэзіі, заснаваны ААН 15 лістапада 1999 года. Гэты дзень закліканы паслужыць стварэнню ў публічным асяроддзі пазітыўнага вобраза паэзіі як сапраўды сучаснага мастацтва, адкрытага людзям.
У падрыхтоўцы нумароў і арганізацыі мерапрыемства ад кафедры ўсходазнаўства бралі ўдзел: заг. кафедрай В.Р. Баравы, выкладчыкі кафедры - К.І. Лешчанка, А.І. Пінчук, С.У. Малахоўскі, А.І. Карпінская, Т. Хатэф, Д.Х. Сукарыя. У якасці вядучых выступілі старшы выкладчык кафедры ўсходазнаўства К.І. Лешчанка і студэнтка 3 курса спецыяльнасці «Лінгвакраіназнаўства», віцэ-куратар SCOLAR Minsk Hub .
Мерапрыемства азначалася не толькі Сусветным днём паэзіі, але і надыходзячай гадавінай пачатку дзейнасці SCOLAR Minsk Hub - менавіта вясной 2024 г. была запушчана працэдура падрыхтоўкі да адкрыцця мінскай філіі. Віцэ-куратар хаба выступіла з прэзентацыяй мерапрыемстваў, праведзеных у рамках працы філіяла за год, а куратар філіяла і ментар Лешчанка К.І. прадставілі ўсім новых членаў філіяла з ліку студэнтаў ФМА.
У час мерапрыемства студэнты спецыяльнасцей "Усходазнаўства", "Лінгвакраіназнаўства" і "Міжнародныя адносіны" выступілі з творчымі нумарамі на ўсходніх мовах (кітайскай, карэйскай, японскай, арабскай, фарсі, турэцкай) - папулярнымі песнямі і творамі класічнай і сучаснай паэзіі. Песні і вершы суправаджаліся перакладамі на рускую мову, падрыхтаванымі студэнтамі. Апроч творчых нумароў, студэнты падрыхтавалі займальныя даклады аб традыцыях вясновых свят у краінах Блізкага і Далёкага Усходу.
21 сакавіка адзначаецца не толькі Дзень паэзіі. У Іране і многіх іншых краінах святкуюць пачатак Новага года, або Наўруз. Студэнты, якія вывучаюць фарсі, прадставілі прэзентацыю аб свяце Наўруз у Іране. Таксама кожны жадаючы мог атрымаць навагодняе прадказанне – пажаданне ўсяго найлепшага ў новым годзе ад студэнтаў-іраністаў і іх выкладчыкаў.
Каманда філіяла таксама правяла захапляльныя віктарыны на веданне беларускай і рускай паэзіі. Найлепшыя веды ў галіне беларускай літаратуры прадэманстравала студэнтка 3 курса спецыяльнасці «Лінгвакраіназнаўства» , у віктарыне па рускай паэзіі пераможцам стала студэнтка 2 курса спецыяльнасці «Усходазнаўства».
У канцы мерапрыемства гледачы з ліку выкладчыкаў і студэнтаў выбралі найлепшае выступленне творчага вечара. Такім быў прызнаны творчы нумар студэнта 2 курса спецыяльнасці "Усходазнаўства", які ў форме монаспектакля расказаў паэтычную арабскую казку-легенду "Востраў чаек".
Усе студэнты прадэманстравалі высокі ўзровень валодання замежнымі мовамі і глыбокае веданне традыцый рэгіёна.
{gallery}2025/2025_03_21{/gallery}