13 сакавіка 2025 г. магістранты спецыяльнасці "Юрыспрудэнцыя" ў рамках вывучэння дысцыпліны "Міжнародныя судовыя ўстановы" ў суправаджэнні дацэнта кафедры комплекснага вывучэння развіцця КНР Ю.А. Ляпяшкова наведалі Эканамічны Суд СНД.
У ходзе візіту магістранты азнаёміліся з гісторыяй стварэння і ключавымі напрамкамі дзейнасці Суда, яго арганізацыйнай структурай і асноўнымі вынікамі функцыянавання з моманту заснавання ў 1992 годзе, планамі і задачамі на бліжэйшую перспектыву.
У рамках візіту таксама адбылася сустрэча са Старшынёй Суда А.У. Плотнікавым, які выступіў перад магістрантамі з лекцыяй на тэму "Новы фармат дзейнасці Эканамічнага Суда Садружнасці Незалежных Дзяржаў".
Магістранты і дэканат факультэта выказваюць падзяку кіраўніцтву і супрацоўнікам Эканамічнага Суда СНД за арганізацыю візіту і прадстаўленую магчымасць азнаёміцца з механізмам і практыкай работы Суда.
 |
 |