14 лютага 2024 г. са студэнтамі-першакурснікамі факультэта міжнародных адносін БДУ сустрэлася загадчыца сектара аператыўнай інфармацыі галоўнага інфармацыйна-аналітычнага ўпраўлення Міністэрства замежных спраў Рэспублікі Беларусь Аляксандра Шкода (выпускніца факультэта). Яна расказала студэнтам пра асаблівасці інфармацыйнай работы, пазнаёміла з інфармацыйнымі рэсурсамі МЗС. А. Шкода распавяла аб тым, як яна прыйшла на працу ў Міністэрства: была выдатніцай, яе ўзялі на практыку, а затым пасля заканчэння ўніверсітэта праз некаторы час Аляксандры прапанавалі працу ў Міністэрстве.
А.Шкода атрымала шмат пытанняў ад студэнтаў. Адказваючы на адно з іх (як і ў якім узросце можна стаць Надзвычайным і Паўнамоцным Паслом), яна адзначыла, што для гэтага неабходна прайсці ўсе прыступкі кар'ернай лесвіцы.
Завяршаючы сустрэчу са студэнтамі, спікер звярнула ўвагу, што "міжнародная дзейнасць — гэта не проста праца, а стыль жыцця".
{gallery}2025/2025_02_14_02{/gallery}