Кафедра міжнародных адносін з'яўляецца выпускаючай кафедрай спецыяльнасці міжнародныя адносіны. Пасля заканчэння навучання студэнту дадзенай спецыяльнасці прысвойваецца кваліфікацыя: «Спецыяліст па міжнародных адносінах. Перакладчык-рэферэнт (з указаннем моў зносін) ». Код спецыяльнасці: 1-23 01 01. Кожны год абітурыенты, якія паступаюць на дадзеную спецыяльнасць, дэманструюць адзін з самых высокіх узроўняў ведаў у Рэспубліцы Беларусь. Так, у 2017 годзе прахадны бал на дзённую бюджэтную форму атрымання адукацыі па дадзенай спецыяльнасці склаў 384, а на дзённую платную форму атрымання адукацыі –281.
Спецыялізацыі:
1 - 23 01 01 01 Знешняя палітыка і дыпламатыя;
1 - 23 01 01 02 Міжнародныя арганізацыі;
Міжнародныя адносіны сёння – гэта не толькі сфера дзейнасці прафесійных дыпламатаў, але і магчымасць наладжваць і развіваць плённае супрацоўніцтва з замежнымі партнёрамі ў галіне эканомікі, права, абароны, бяспекі, навукі, адукацыі і культуры.
Падрыхтоўка па гэтай спецыяльнасці прадугледжвае вывучэнне сучаснай сусветнай палітыкі і эканомікі, базавых прынцыпаў і прыярытэтных напрамкаў знешняй палітыкі Рэспублікі Беларусь, асаблівасцяў палітычнага развіцця і знешнепалітычнага курсу іншых краін. Нашы студэнты вывучаюць дзейнасць міжнародных арганізацый, гісторыю, тэорыю і актуальныя праблемы міжнародных адносін, канфлікталогію і тэорыю вядзення перамоваў, міжнародную і рэгіянальную бяспеку, асновы міжнароднага права і міжнародных эканамічных адносін, арганізацыю дыпламатычнай і консульскай службы, дыпламатычны і дзелавы этыкет.
На спецыяльнасці паглыблена выкладаюцца дзве замежныя мовы. Сярод іх не толькі еўрапейскія, але таксама кітайская, японская, арабская. Ёсць магчымасць факультатыўнага вывучэння карэйскай і іншых усходніх моў.
Выпускнікам прысвойваецца кваліфікацыя «Спецыяліст па міжнародных адносінах. Перакладчык-рэферэнт (з указаннем дзвюх замежных моў)». На сённяшні дзень многія з іх працуюць у Міністэрстве замежных спраў Рэспублікі Беларусь, іншых міністэрствах і ведамствах, прадстаўніцтвах міжнародных арганізацый і замежных кампаній, сродках масавай інфармацыі, а таксама ў знешнегандлёвых падраздзяленнях арганізацый рознай формы ўласнасці, уключаючы іх замежныя прадстаўніцтвы.
Знайсці высокааплатную, прэстыжную і цікавую працу нашым выпускнікам дапамагаюць прафесійнае валоданне замежнымі мовамі, ініцыятыўнасць, эрудыцыя і шырокі кругагляд.
Навучанне на спецыяльнасці «міжнародныя адносіны» гэта:
- вывучэнне дзвюх замежных моў, пачынаючы з першага семестра першага курса, у максімальным аб'ёме і на высокім прафесійным узроўні;
- аглядныя і спецыяльныя курсы аб розных краінах і рэгіёнах свету, сусветнай палітыцы, эканоміцы, праве;
- магчымасць праходжання вучэбнай стажыроўкі ва ўніверсітэтах краін Еўропы, Азіі, Лацінскай Амерыкі.
