7 кастрычніка 2025 г. адбыўся візіт Надзвычайнага і Паўнамоцнага Пасла Баліварыянскай Рэспублікі Венесуэла Франкліна Раміраса Араке на факультэт міжнародных адносін Беларускага дзяржаўнага ўніверсітэта. У сустрэчы з боку ўніверсітэта прыняў удзел прарэктар па вучэбнай рабоце і інтэрнацыяналізацыі адукацыі БДУ В. П. Кочын, што падкрэсліла высокі статус мерапрыемства. Гэта ўжо не першая сустрэча Высокага госця са студэнтамі нашага факультэта. На гэты раз у фокусе ўвагі аказаўся рэгіён Карыбскага басейна. Закранутая праблематыка выклікала цікавасць у студэнтаў, аб чым сведчыла вялікая колькасць пытанняў.
Падчас візіту Франклін Рамірас Араке таксама наведаў прадстаўленую на факультэце фотавыставу, прысвечаную 80-годдзю заснавання ААН. Ён праявіў глыбокую цікавасць да выставы і высока ацаніў гістарычную ролю нашай краіны ў станаўленні і дзейнасці Арганізацыі. Надзвычайны і Паўнамоцны Пасол таксама падкрэсліў каштоўнасць Статута ААН як краевугольнага каменя сучаснай сістэмы міжнародных адносін, а таксама выказаў падтрымку ключавым прынцыпам Арганізацыі – суверэннай роўнасці дзяржаў і мірнаму ўрэгуляванню спрэчак.
