Напярэдадні калядных і навагодніх свят 23 снежня у групе студэнтаў 1 курса спецыяльнасці "Міжнароднае права" адбылося мерапрыемства, прысвечанае традыцыям святкавання Нараджэння Хрыстова. Мерапрыемства дазволіла крыху пазбыцца штодзённых клопатаў і акунуцца ў атмасферу свята.
Падчас сустрэчы ўдзельнікі абмяркоўвалі асаблівасці калядных звычаяў, дзелячыся сваімі ведамі і вопытам, асаблівая ўвага была ўдзелена тым традыцыям, якія робяць гэтыя святы ўнікальнымі.
Не абышлося і без весялосці! Студэнты гулялі ў розныя гульні на калядную тэматыку, што дадало радасці і запалу. Кожны з удзельнікаў атрымаў невялікі салодкі падарунак, што стала прыемным сюрпрызам і сімвалам святаў.
Напрыканцы сустрэчы студэнты з энтузіязмам выканалі калядныя песні на нямецкай мове, ствараючы сапраўды чароўную атмасферу.
Арганізатарам мерапрыемства выступіла старшы выкладчык кафедры рамана-германскіх моў міжнароднай прафесійнай дзейнасці Вольга Георгіеўна Швайба.
