28 лістапада 2024 г. у Мінскім аэраклубе ДТСААФ, на тэрыторыі выставачнага комплексу авіяцыйнай тэхнікі, у новым павільёне "Космас" адбылося першае мерапрыемства ў рамках міжнароднага культурна-асветніцкага праекта "Космас. Мая гісторыя". Удзельнікамі мерапрыемства сталі студэнты БДУ, у тым ліку студэнты ФМА спецыяльнасцей "Міжнародныя адносіны", "Міжнародная канфлікталогія", "Міжнародная лагістыка" і "Міжнароднае права".
Тэма мерапрыемства: "Роля асваення космасу ў развіцці навукі і тэхнікі. Ужыванне вынікаў навуковых дасягненняў у жыцці чалавека".
У якасці спікераў мерапрыемства выступілі:
- Алег Віктаравіч Навіцкі, інструктар-касманаўт-выпрабавальнік I класа - намеснік камандзіра атрада касманаўтаў Раскосмасу. Герой Расійскай Федэрацыі;
- Марына Вітальеўна Васілеўская, намеснік старшыні Грамадскага аб'яднання "Беларускі фонд міру". Першая жанчына-касманаўт Рэспублікі Беларусь. Герой Беларусі;
- Валянцін Іванавіч Авілаў. Палкоўнік у адстаўцы, член ГА «Ветэраны Байканура» (Рэспубліка Беларусь).
