16 лютага і 1 сакавіка прафсаюзнае бюро факультэта міжнародных адносін арганізавала дзве экскурсіі на кінастудыю "Беларусьфільм".
Падчас экскурсіі ўдзельнікі азнаёміліся з кароткай гісторыяй кінастудыі ў экспазіцыйнай зоне, наведалі павільёны, вывучылі гісторыю кінастудыі праз сабраныя калекцыі рэквізіту, зброі, мужчынскага, жаночага і ваеннага адзення, мэблі і сельскага начыння. З вялікім задавальненнем і настальгіяй прыгадалі легендарныя фільмы кінастудыі "Беларусьфільм": "Прыгоды Бураціна", "Дзяўчынка шукае бацьку", "У жніўні 44-га", "Анастасія Слуцкая", "Чорны замак Альшанскі" і многія іншыя.
