13 мая 2022 г. на факультэце міжнародных адносін адбылася Алімпіяда па польскай мове паміж ВНУ, арганізаваная кафедрай рамана-германскіх моў міжнароднай прафесійнай дзейнасці.

Удзельнікамі Алімпіяды былі студэнты ВНУ і навучэнцы 9-11 класаў сярэдніх школ і гімназій г. Мінска ў колькасці 30 чалавек.

Актуальнасць правядзення Алімпіяды па дысцыпліне "Польская мова" абумоўліваецца нарастальнай роляй замежных моў у сучасным грамадстве, усведамленнем значэння важнасці прафесійнай моўнай падрыхтоўкі спецыялістаў, якія ажыццяўляюць сваю дзейнасць на замежнай мове.

Мэта Алімпіяды – выяўленне таленавітай творчай моладзі і павышэнне матывацыі студэнтаў і навучэнцаў да вывучэння польскай мовы для інтэграцыі ў міжнародную адукацыйную прастору, для міжнароднага супрацоўніцтва з мэтай павышэння якасці і эфектыўнасці камунікацыі і інфармацыі ў галіне навукі, адукацыі і культуры.

Задачы Алімпіяды – павышэнне ўзроўню іншамоўнай кампетэнцыі студэнтаў, падтрыманне ў вучняў цікавасці да вывучэння польскай мовы і культуры.

Удзел у Алімпіядзе садзейнічае фарміраванню наступных кампетэнцый: камунікатыўнай, якая ўключае

- лінгвістычную кампетэнцыю, г.зн. здольнасць адэкватна ўспрымаць і карэктна выкарыстоўваць адзінкі маўлення на аснове ведаў асаблівасцей вывучаемай мовы;

- сацыяльную кампетэнцыю, г.зн. здольнасць узаемадзейнічаць з партнёрамі па зносінах, уступаць у кантакт і падтрымліваць яго;

- стратэгічную кампетэнцыю, г.зн. здольнасць прымяняць розныя стратэгіі як для разумення вусных/пісьмовых тэкстаў, так і для падтрымання паспяховага ўзаемадзеяння пры вусных/пісьмовых зносінах;

кагнітыўнай кампетэнцыі, г.зн. здольнасці выкарыстоўваць досвед вывучэння роднай і замежнай моў, карыстацца пошукава-аналітычнымі ўменнямі.

Алімпіяда ўключала тры этапы (аўдыё-тэст, лексіка-граматычны тэст і вуснае выказванне па актуальнай грамадска-сацыяльнай тэме). Журы адзначыла высокі ўзровень падрыхтоўкі студэнтаў і школьнікаў, іх крэатыўныя адказы і знаходлівасць.

У праграме Алімпіяды знайшлося месца не толькі для напружаных выпрабаванняў, але і для перапынкаў на адпачынак з гарбатай, на абед, а таксама на экскурсію па факультэце для гасцей ФМА, за што вялікі дзякуй студэнтам спецыяльнасці «Мытная справа» Войцік Ганне і Калачыку Мікалаю.

Па выніках пераможцамі сталі:

Узровень А2:

Узровень В1:

Віншуем пераможцаў, дзякуем усім школьнікам і студэнтам за ўдзел у Алімпіядзе, а таксама жадаем усім поспехаў у вывучэнні польскай мовы!

Кафедра рамана-германскіх моў міжнароднай прафесійнай дзейнасці асобна дзякуе студэнтам 1 курса спецыяльнасці "Мытная справа" і студэнтам 3 курса спецыяльнасці "Міжнародныя адносіны" за дапамогу ў арганізацыі і правядзенні Алімпіяды па польскай мове.

2022_05_13_03_01.jpg 2022_05_13_03_02.jpg 2022_05_13_03_03.jpg

2022_05_13_03_04.jpg 2022_05_13_03_05.jpg 2022_05_13_03_06.jpg

2022_05_13_03_07.jpg 2022_05_13_03_08.jpg 2022_05_13_03_09.jpg

2022_05_13_03_10.jpg 2022_05_13_03_11.jpg 2022_05_13_03_12.jpg

2022_05_13_03_13.jpg