12 мая студэнты 1 курса спецыяльнасці "Міжнародныя адносіны", якія вывучаюць партугальскую мову, наведалі Пасольства Федэратыўнай Рэспублікі Бразілія ў Рэспубліцы Беларусь.

Дарадца-пасланнік пасольства Ігар Флавіа дэ Агіар Жэрмана сардэчна прыняў гасцей. Спадар Ігар вёў гутарку на партугальскай мове, расказваючы пра бразільскую культуру, музыку, традыцыі, і дэманстраваў нацыянальныя бразільскія інструменты, навучаючы гульні на іх.

Студэнтам удалося праявіць і сваю ініцыятыву: яны развучылі рухі для флэшмобу пад бразільскія рытмы і дакрануліся да найвялікшых літаратурных твораў Бразіліі.

У сяброўскай абстаноўцы ўдзельнікі сустрэчы не толькі пазнаёміліся з бразільскай музычнай культурай, але і развучылі некалькі песень («Mas que nada», «Esperando na Janela», «Pais tropical», «Taj Mahal»), якія плануецца выканаць на канцэрце, прымеркаваным да Дня Незалежнасці Бразіліі, што мае адбыцца сёлета ў верасні ў Мінску.

Штогод 7 верасня ў Бразіліі адзначаецца нацыянальнае свята — Дзень незалежнасці (парт. o'Dia de Independência do Brasil). Менавіта 7 верасня 1822 года Бразілія абвясціла незалежнасць ад Партугаліі. У гэтым годзе Пасольства Федэратыўнай Рэспублікі Бразілія ў Рэспубліцы Беларусь плануе арганізацыю святочнага канцэрта, у якім запрошаны прыняць удзел студэнты ФМА, якія вывучаюць партугальскую мову.

Марыя Гедзімін, студэнт 1 курса спецыяльнасці "Міжнародныя адносіны",
Ю.І. Сіняўская, ст. выкладчык кафедры рамана-германскіх моў міжнароднай прафесійнай дзейнасці

2022_05_12_01.jpg 2022_05_12_02.jpg 2022_05_12_03.jpg

2022_05_12_04.jpg 2022_05_12_05.jpg 2022_05_12_06.jpg

2022_05_12_07.jpg 2022_05_12_08.jpg