20 красавіка 2018 г. на ФМА БДУ прайшла сустрэча з Надзвычайным і Паўнамоцным Паслом Турэцкай Рэспублікі ў Рэспубліцы Беларусь спадарыняй Кезбан Нілванай Дарамой. Высокі госць выступіла з лекцыяй на англійскай мове, дзе дала кароткую, але глыбокую характарыстыку знешняй палітыкі Турцыі. Яна прадставіла вытокі і прынцыпы міжнароднай палітыкі краіны.
Таксама нашы студэнты атрымалі выдатную магчымасць абмеркаваць з Паслом канфлікт у Сірыі, турэцка-амерыканскія і турэцка-еўрапейскія адносіны, азнаёміцца з кар'ерай дыпламата.
Кезбан Нілвана Дарама распавяла, з якімі цяжкасцямі і прэферэнцыямі можна сутыкнуцца на дыпламатычнай службе.
Спадарыня Амбасадар дала абгрунтаваныя адказы на пытанні аўдыторыі. Завяршылася сустрэча калектыўным фотаздымкам.
Мікіта Жураўкоў, студэнт 1 курса спецыяльнасці "Сусветная эканоміка"
