Запрашаем вас прыняць удзел у Міжнароднай навуковай канферэнцыі "МІКРАГІСТОРЫЯ І ГІСТОРЫЯ ПАЎСЯДЁННАСЦІ: новы погляд на гістарычную і культурную спадчыну", якая адбудзецца 6 кастрычніка 2017 г. у горадзе Браслаў Віцебскай вобласці, Беларусь.
Арганізатар канферэнцыі: Навукова-даследчая ўстанова культуры «Браслаўскае раённае аб'яднанне музеяў» Міністэрства культуры Рэспублікі Беларусь пры падтрымцы БДУ і ПДУ.
Тэматычныя напрамкі работы канферэнцыі:
- Мікрагісторыя і гісторыя штодзённасці ў сістэме сучасных гістарычных і гуманітарных ведаў.
- Традыцыі і сучасныя тэндэнцыі ў айчыннай і замежнай гістарыяграфіі мікрагісторыі і гісторыі штодзённасці.
- Крыніцы па мікрагісторыі і гісторыі штодзённасці: актуальныя пытанні выяўлення і інтэрпрэтацыі.
- Адлюстраванне штодзённасці і мікрагісторыі у дзейнасці музейных і архіўных устаноў.
- Творы літаратуры і мастацтва як адлюстраванне мікрагісторыі і гісторыі штодзённасці.
- Археалагічны матэрыял як крыніца па мікрагісторыі і гісторыі штодзённасці.
- Этнаграфічнае вывучэнне лакальнай гісторыі і побыту.
- Штодзённасць адукацыі і педагагічнага працэсу.
- Мікрагісторыяі штодзённасць ва ўмовах ваеннага часу.
- Турызм як спецыфічная сфера штодзённасці.
- Царкоўная мікрагісторыя і гісторыя штодзённасці ў святле рэлігійных практык.
- Асоба і яе роля ў мікра- і макрагісторыі.
- Мясцовыя святы і абрады: альтэрнатыва, працяг і апафеоз штодзённасці.
Зборнік будзе выдадзены да пачатку работы канферэнцыі. Магчыма як вочны, так і завочны ўдзел.
Пры завочным ўдзеле паштовая рассылка аўтарскіх асобнікаў зборніка будзе праведзена да канца кастрычніка 2017 г.
Чакаем вашыя заяўкі і артыкулы ў тэрмін да 24 верасня 2017 г.
Падрабязная інфармацыя пра ўмовы ўдзелу, парадку падрыхтоўкі і падачы матэрыялаў і заяўкі на ўдзел ТУТ або на сайте http://konferencii.ru/info/120514.