ФМА заўсёды рады сустрэчам з замежнымі гасцямі. Яны прыязджаюць да нас вучыцца ці вучыць. А ў гэты раз французскія студэнты, якія прыйшлі павіншаваць з 15-годдзем кафедру раманскіх моў, арганізавалі майстар-клас па акцёрскаму мастацтву для ўсіх жадаючых франкафонаў.
Мерапрыемства завяршылася сяброўскім чаяваннем, якое гасцінна прапанавалі сваім гасцям студэнты ФМА.
Кафедра раманскіх моў выказвае сардэчную падзяку французскім акцёрам за крэатыўны падыход, феерверк станоўчых эмоцый і незабыўнае свята жывых зносін на французскай мове.
