29 кастрычніка 2026 г. на факультэце міжнародных адносін адбылося памятнае мерапрыемства, прысвечанае 90-годдзю з дня нараджэння прафесара Броўкі Ю. П., арганізаванае кафедрай міжнароднага права.
Броўка Ю. П. з'яўляўся адным з заснавальнікаў беларускай школы міжнароднага права. Яго навуковая і прафесійная спадчына ўяўляе значную каштоўнасць для развіцця юрыдычнай навукі і правапрымяняльнай практыкі. Больш за паўстагоддзя Броўка Ю. П. прысвяціў Беларускаму дзяржаўнаму ўніверсітэту.
Будучы ўключаным у склад афіцыйных дэлегацый БССР, прафесар Броўка Ю. П. неаднаразова браў удзел у працы міжурадавых канферэнцый Арганізацыі Аб'яднаных Нацый, скліканых з мэтай распрацоўкі і прыняцця ўніверсальных міжнародных пагадненняў. Сярод іх канферэнцыі па пытаннях правапераемнасці дзяржаў (Вена, 1977 г.), а таксама марскога права (Жэнева і Нью-Ёрк, 1979 г.).
У часе станаўлення Рэспублікі Беларусь як суверэннай і незалежнай дзяржавы Юрый Пятровіч прымаў актыўны ўдзел у навуковых дыскусіях, якія суправаджалі працэс распрацоўкі і прыняцця Канстытуцыі Рэспублікі Беларусь, іншых найбольш значных нарматыўных прававых актаў нашай краіны, у абмеркаванні шматлікіх інтэграцыйных праектаў, якія рэалізоўваліся на постсавецкай прасторы.
Мерапрыемства аб'яднала прадстаўнікоў навуковай і акадэмічнай супольнасці, спецыялістаў у галіне міжнароднага права, а таксама даследчыкаў, якія займаюцца захаваннем і вывучэннем навуковай і творчай спадчыны Броўкі Ю.П.
У памятным мерапрыемстве прынялі ўдзел дэкан факультэта міжнародных адносін БДУ Дастанка А. А., намеснік дэкана факультэта міжнародных адносін па вучэбнай рабоце і адукацыйных інавацыях Рашэтнікаў Д. Р., намеснік начальніка ўпраўлення міжнародных дагавораў Галоўнага дагаворна-прававога ўпраўлення Міністэрства замежных спраў Рэспублікі Беларусь Пыталёў А. А., намеснік начальніка аддзела канстытуцыйнага права Галоўнага ўпраўлення канстытуцыйнага і міжнароднага права НЦЗПІ Міхалёва Т. М., прафесар кафедры міжнародных адносін факультэта міжнародных адносін БДУ Шарапа А. В., прафесар кафедры міжнародных адносін факультэта міжнародных адносін БДУ Снапкоўскі В. Я., дацэнт кафедры міжнародных адносін факультэта міжнародных адносін БДУ Селіванаў А. У., загадчык кафедры комплекснага развіцця КНР факультэта міжнародных адносін БДУ Есін Р. А., загадчык кафедры канстытуцыйнага права юрыдычнага факультэта БДУ Васілевіч Г. А., прафесар кафедры тэорыі і гісторыі дзяржавы і права юрыдычнага факультэта БДУ Доўнар Т. І., прафесар кафедры экалагічнага і аграрнага права юрыдычнага факультэта БДУ Балашэнка С. А., старшы навуковы супрацоўнік Музея Броўкі Кушчанка К. А. і інш. госці..
Падчас мерапрыемства ўдзельнікі ўшанавалі памяць Юрыя Пятровіча Броўкі, звярнуліся да яго навуковай спадчыны і значэння яго дзейнасці для развіцця айчыннай юрыдычнай навукі. Падобныя сустрэчы спрыяюць захаванню памяці аб выбітных прадстаўніках юрыдычнай прафесіі, пераемнасці навуковых традыцый і ўмацаванню прафесійнага дыялогу паміж пакаленнямі вучоных і практыкуючых спецыялістаў.
Кафедра выказвае падзяку ўсім калегам і гасцям за ўдзел у мерапрыемстве, увагу да захавання навуковай спадчыны і ўклад у развіццё прафесійных зносін.
