14 кастрычніка для студэнтаў 1-га і 2-га курсаў спецыяльнасцей "Усходазнаўства" і "Афрыканістыка", якія вывучаюць арабскую мову і іўрыт, у Нацыянальнай бібліятэцы Беларусі (НББ) прайшлі адкрытыя заняткі па рабоце з усходнімі рукапісамі. Заняткі правялі супрацоўнікі навукова-даследчага аддзела кнігазнаўства Нацыянальнай бібліятэкі. Студэнтам былі прадстаўлены рукапісы на арабскай, персідскай, стараасманскай і старажытнаяўрэйскай мовах.
Нацыянальная бібліятэка — адна з нямногіх устаноў у Беларусі, дзе захоўваюцца ўсходнія рукапісы. У фондах НББ ёсць 30 адзінак захоўвання на ўсходніх мовах і 49 кітабаў, захавалася невялікая колькасць скруткаў Торы. Самыя старыя рукапісы датаваны XIV ст., а самыя познія – канцом XIX ст. Большасць рукапісаў, якія захоўваюцца ў НББ, перайшлі з асабістай калекцыі графа І. Ф. Паскевіча (Паскевіча-Эрыванскага).
Студэнты-гебраісты і афрыканісты, а таксама выкладчыкі факультэта дзякуюць супрацоўнікам НББ – загадчыцы навукова-даследчага аддзела (НІА) кнігазнаўства Марыі Міхайлаўне Шапінай і загадчыцы сектара арганізацыі і навуковай апрацоўкі фондаў НДА кнігазнаўства Таццяне Уладзіміраўне Карнілавай – за аказаны прымём і радасць зносін з рукапісамі. На шчасце для нашых студэнтаў, у Нацыянальнай бібліятэцы заўсёды ёсць недахоп кадраў, якія маглі б працаваць з усходнімі рукапісамі, а гэта значыць, што спецыялісты ўсходазнаўцы будуць запатрабаваны заўсёды.
Д.Л.Шавеялёў, К.В.Дунай, выкладчыкі кафедры ўсходазнаўства
