9 лютага 2026 года студэнты факультэта міжнародных адносін, якія вывучаюць арабскую мову, наведалі выставу «Элегантнасць срэбра: скарбы аманскага двара» ў Нацыянальным мастацкім музеі.
Экспазіцыя дазволіла студэнтам пазнаёміцца з багатай культурнай спадчынай Амана, традыцыямі арабскага свету і мастацтвам прыдворных майстроў.
Асаблівую цікавасць у студэнтаў спецыяльнасці "Афрыканістыка" выклікала тэма гістарычнай сувязі Султаната Амана і Султаната Занзібара, якая адыграла важную ролю ў палітычнай, гандлёвай і культурнай гісторыі Усходняй Афрыкі.
