29 верасня студэнты другога і чацвёртага курсаў спецыяльнасці "Менеджмент у сферы міжнароднага турызму" а таксама другога курса спецыяльнасці "Міжнароднае права" сумесна з выкладчыкамі кафедры рамана-германскіх моў міжнароднай дзейнасці І. П. Валовікавай, В. Г. Швайбай і М. Ф. Арсенцьевай у рамках экскурсіі наведалі мемарыяльны комплекс "Малы Трасцянец".
Дадзеная экскурсія прадаставіла ўнікальную магчымасць для студэнтаў азнаёміцца з гісторыяй і культурай нашага народа, умацаваць патрыятычныя пачуцці і павагу да памяці продкаў, а таксама ўдасканаліць даследчыя навыкі. Студэнты ўважліва слухалі экскурсавода, задавалі пытанні, якія іх цікавілі. Напрыканцы студэнты падзякавалі арганізатарам за праведзенае мерапрыемства.
Экскурсія пакінула глыбокае ўражанне ва ўсіх удзельнікаў, падкрэсліўшы неабходнасць захавання гістарычнай памяці і праўды пра падзеі Другой сусветнай вайны.
