17 верасня 2025 г. на факультэце міжнародных адносін БДУ адбылася сустрэча студэнтаў першага курса спецыяльнасці "Міжнародныя адносіны" з Пастаянным каардынатарам ААН у Рэспубліцы Беларусь Расулам Аліевічам Багіравым.
Ён прачытаў лекцыю аб стварэнні Арганізацыі і асноўных напрамках яе дзейнасці ў свеце і Беларусі. Мерапрыемства прайшло ў інтэрактыўным рэжыме. У канцы сустрэчы лектар зладзіў для першакурснікаў віктарыну на веданне ААН. Пераможцы атрымалі цікавыя прызы.
