4 сакавіка на факультэце міжнародных адносін прайшло чарговае штогадовае свята белых студэнцкіх фуражак "КадуцэйФэст. Падарожжа-2025", арганізаванае кафедрай мытнай справы і міжнароднай лагістыкі.
У ім прынялі ўдзел студэнты-мытнікі ўсіх курсаў і ўпершыню лагісты-міжнароднікі 1 курса. Сёлета дэвізам студэнцкага свята сталі словы са знакамітай беларускай песні: "Каб любіць Беларусь нашу мілую, трэба ў розных краях пабываць!". Таму галоўнай тэмай студэнцкай мастацкай самадзейнасці сталі падарожжы.
Вось самыя прыкметныя нумары: першакурснікі-лагісты прадэманстравалі музычную кампазіцыя "На вялікім паветраным шары". Студэнт 2-га курса выканаў папулярную песню "Мытны гімн". Аб сваіх родных гарадах Мінску, Гомелі і Навагрудку маляўніча расказалі студэнты 3 курса, акрабатычны эцюд выканала Міс ФМА 2024 года, майстар спорту па мастацкай гімнастыцы. А студэнтка выпускнога курса праспявала рамантычную французскую песню. Не саступалі і замежныя студэнты. Напрыклад, туркменскія студэнты паказалі музычна-паэтычную кампазіцыю "Туркменістан – мая Радзіма!", а студэнты з Кітая – прэзентацыю "Падарожнічайце па Кітаю і атрымлівайце асалоду ад яго культуры”.
